Studentet qe sapo kane perfunduar vitin e trete te deges se Ekonomi-Agrobiznesit ne Universitetin Bujqesor te Kamzes, kane protestuar perpara godines se fakultetit, me pas kane hyre ne greve urie. Shkaku i kesaj greve eshte miratimi i kuotave te masterave te nivelit te pare, te cilet kane si kusht noten mesatare, pikerisht ate shtate. Protestuesit pasi jane konfrontuar edhe me forcat e policise, te cilet nuk i kane lejuar te hyne ne godinen e Fakultetit te Ekonomi- Agrobiznesit, rreth 20 studente te mbeshtetur dhe nga dhjetera te tjere kane hyre me force per t’u ngujuar ne greve urie.

Greva

Protesta e studenteve te Universitetit Bujqesor te Kamzes, e mbajtur disa dite me pare perpara Ministrise se Arsimit, tashme ka marre nje forme tjeter. Studentet kane zgjedhur te hyne ne greve urie, per plotesimin e kerkesave te tyre. Ata kane zgjedhur ambientet e Universitetit te Kamzes per te hyre ne greve, por jane ndaluar nga policia. Megjithese u perplasen me policine, 20 studente e kane nisur kete greve. Ata kerkojne te vazhdojne studimet ne nivelin e dyte DND, sipas Kartes se Bolonjes. Por, universiteti ka vendosur nje mesatare pranimi per studentet qe do te kalojne ne nivelin e dyte. Greva e studenteve behet pikerisht per kete, heqjen e mesatares dhe vazhdimin e studimeve per te gjithe studentet qe nuk kane mesatare. “Kemi tre jave qe kemi bere kerkese per kundershtimin e mesatares per nivelin DND, por deri me tani nuk kemi marre asnje pergjigje” ka pohuar perfaqesuesi i greves se studenteve ne Kamez. Sipas tij, studentet e Universitetit te Kamzes do ta vazhdojne greven deri ne plotesimin e kerkesave te tyre, derisa te gjithe te vazhdojne studimet ne nivelin e dyte, pa marre parasysh asnje note mesatare.

Masterat

Studentet e Kamzes kerkojne te vazhdojne studimet ne nivelin e dyte per te marre Diplomat e Nivelit te Dyte, sipas Kartes se Bolonjes. Por, universiteti ka vendosur mesataren e pranimit 7, per studentet qe do te kalojne ne nivelin e dyte. Sipas studenteve ata jane njohur me kete vendim vetem ne fund te vitit te trete. Tashme masterat jane miratuar nga Keshilli i Ministrave, por as Ministria e Arsimit dhe as qeveria nuk jane shkaktaret e ketyre kuotave te uleta, apo mesatares qe eshte vendosur si kriter, pasi kjo eshte e drejte vetem e dekanit, i cili deri tani nuk eshte shprehur per kete problem. Nga ana tjeter studentet paralajmerojne se do te rrine te ngujuar deri ne fund te zgjidhjes se kerkeses se tyre, pasi cikli trevjecar qe kane perfunduar nuk njihet nga tregu i punes si diplome.

Protesta, forca policie per te ndaluar studentet

Studentet e Universitetit Bujqesor te Kamzes, u perplasen me policine, pasi kane tentuar te hyjne me force per te nisur greven e urise. Forcat e rendit nuk kane lejuar hyrjen e studenteve per te nisur protesten. Kerkesa e studenteve te Kamzes, perqendrohet ne shtimin e kuotave per diplomat e nivelit te dyte. Edhe here te tjera studentet kane zhvilluar protesta ne universitet dhe kane paralajmeruar nisjen e greves se urise, deri ne plotesimin e kerkesave te tyre.
nga koha jone